Nuachtlitir 39 – Botúin Choitianta

Aoine Shona, a aistritheoirí! Fáilte ar ais chuig Nuachtlitir na hAoine le STAR. Inniu, caithfimid súil thapa ar bhotúin a dhéantar go minic i scríobh na Gaeilge.

1. Den Chéad Uair

Is minic a fheictear ‘don chéad uair’ ach is ‘den chéad uair’ atá ceart.

2. Séimhiú i nDiaidh ‘uile’

Déanann aistritheoirí dearmad go minic séimhiú a chur ar thúschonsain tar éis ‘uile’. E.g. gach uile dhuine, gach uile phost.

3. ‘Tar éis sin’

Bíonn ‘tar éis é sin’ le feiceáil go minic ach is é an leagan ceart ná ‘tar éis sin’.

4. Áfach agus Freisin

Níl sé ceart ‘áfach’ nó ‘freisin’ a chur ag tús abairte. Ba cheart iad a chur ag deireadh clásail nó abairte.

5. Iolra Giorrúchán

Ba cheart ‘-nna’ a chur le giorrúcháin a chríochnaíonn ar ghuta agus ‘-anna’ a chur le giorrúcháin a chríochnaíonn ar chonsan. E.g. na ROnna, na DVDanna.

Bíodh deireadh seachtaine saoire bainc álainn agaibh!